जिल्हा बँकेसाठी महायुतीचा मास्टरप्लॅन! 60 ते 70 टक्के जागा बिनविरोध करण्याचा प्रयत्न

0

जळगाव जिल्हा मध्यवर्ती सहकारी बँक निवडणुकीत महायुती एकत्रितपणे निवडणूक लढवणार असून, जास्तीत जास्त जागा बिनविरोध करण्याचा प्रयत्न केला जात आहे.

निवडणुकीतील 21 पैकी जवळपास 60 ते 70 टक्के जागा बिनविरोध होतील, असा विश्वास महायुतीच्या नेत्यांनी व्यक्त केला आहे. मात्र, मुक्ताईनगर आणि चोपडा या दोन महत्त्वाच्या जागांवर उमेदवारीचा तिढा कायम आहे. मुक्ताईनगरमध्ये शिवसेनेचे आमदार चंदू पाटील आणि केंद्रीय राज्यमंत्री रक्षा खडसे यांच्यात जागा मिळवण्यासाठी रस्सीखेच सुरू आहे. तर चोपड्यामध्ये राष्ट्रवादी काँग्रेसचे आमदार अनिल पाटील आणि गुलाबराव देवकर यांच्यामध्ये जागेवरून वाद आहे.

हे दोन्ही तिढे रात्रीतून किंवा सकाळपर्यंत सुटण्याची अपेक्षा आहे. महायुतीचा उद्देश बँकेला आर्थिक अडचणीतून (एनपीए) बाहेर काढणे असून, यासाठी निवडणूक बिनविरोध व्हावी, अशी त्यांची भूमिका आहे. गिरीश महाजन आणि पालकमंत्री गुलाबराव पाटील हे या जागावाटपातील तिढा सोडवण्यासाठी सक्रिय आहेत. काही जागांवर मित्रपक्षांना संधी देण्याबाबतही विचार सुरू आहे.

Leave A Reply

Your email address will not be published.