ठाणे येथे वीरशैव माहेश्वर मंडळाचा १५ वा स्थापना दिवस, गुरुपौर्णिमा आणि विद्यार्थी गुणगौरव सोहळा प्रसंगी नानजीभाई ठक्कर

ठाणे | वीरशैव माहेश्वर मंडळ, ठाणे यांच्या वतीने १५ वा स्थापना दिवस, गुरुपौर्णिमा महोत्सव तसेच विद्यार्थी गुणगौरव सोहळा भव्य आणि आध्यात्मिक वातावरणात आयोजित करण्यात आला. या कार्यक्रमाला मोठ्या संख्येने समाजबांधवांनी कुटुंबासह उपस्थित राहून गुरुदर्शन व आशीर्वादाचा लाभ घेतला.

कार्यक्रमाची सुरुवात रुद्राभिषेकाने करण्यात आली. त्यानंतर पद्मभास्कर “कीर्तन महर्षी” श्री ष. ब्र. १०८ श्रीगुरू डॉ. निळकंठ शिवाचार्य महाराज (श्रीक्षेत्र धारेश्वर), ज्ञानभास्कर श्री ष. ब्र. १०८ श्रीगुरू शिवानंद शिवाचार्य महाराज (श्रीक्षेत्र वाळवा), श्री ष. ब्र. १०८ श्रीगुरू ज्ञानभास्कर कीर्तन रत्नाकर महादेव शिवाचार्य महाराज (श्रीक्षेत्र वाई) तसेच श्री ष. ब्र. १०८ श्रीगुरू रविशंकर शिवाचार्य महाराज (श्रीक्षेत्र रायपाटण) यांच्या पावन सान्निध्यात गुरुपाद्यपूजन विधी संपन्न झाला. या पवित्र प्रसंगी शेठ श्री नानजीभाई खीमजीभाई ठक्कर (ठाणावाला) तसेच कर्नाटकातून आलेले संतही उपस्थित होते.

या प्रसंगी “दीक्षा विधी मुहूर्त संहिता” या ग्रंथाचे विधिवत प्रकाशन करण्यात आले. त्यानंतर इयत्ता १० वी, १२ वी, पदवी तसेच विविध सामाजिक क्षेत्रांत विशेष यश संपादन करणाऱ्या विद्यार्थ्यांचा आणि प्रतिभावान व्यक्तींचा सन्मानपत्र व स्मृतिचिन्ह देऊन गुणगौरव करण्यात आला.

समारंभादरम्यान सन्माननीय श्री अशोकजी वैती साहेब यांनी समाजातील शिक्षण, संस्कार आणि संघटनाची भावना अधिक दृढ व्हावी, यासाठी सर्वांनी एकजुटीने कार्य करण्याचे आवाहन केले. मुख्य अतिथी सन्माननीय शेठ डॉ. नानजीभाई खीमजीभाई ठक्कर ठाणावाला यांनी विद्यार्थ्यांना सतत ज्ञानप्राप्ती, संस्कार आणि समाजसेवेच्या भावनेने पुढे जाण्याचे आवाहन केले. त्यांनी सांगितले की, गुरुपौर्णिमा केवळ आजच नव्हे, तर वर्षातील ३६५ दिवस गुरुपौर्णिमेच्या भावनेने साजरी केली पाहिजे. आपली संस्कृती इतकी महान आहे की, त्यामध्ये ‘मातृदेवो भव’ आणि ‘पितृदेवो भव’ यांचे महत्त्व सांगितले आहे. आई-वडील तसेच ज्येष्ठांचा सन्मान केवळ एका दिवसापुरता न करता दररोज केला पाहिजे.

तुमचे यश हे केवळ तुमच्या कुटुंबाचे नव्हे, तर संपूर्ण समाजाचे यश आहे. मेहनत, शिस्त, वेळेचे महत्त्व आणि चांगले संस्कार तुम्हाला जीवनात अधिक उंचीवर घेऊन जातील. विद्यार्थ्यांनो, यश मिळवल्यानंतरही शिकणे कधीही थांबवू नका. शिक्षणासोबत चारित्र्य, नम्रता, समाजसेवा तसेच आई-वडील आणि गुरुजनांप्रती आदर कायम राखला, तर जीवनात खरी सफलता प्राप्त होईल. वीर सेनेच्या माध्यमातून गेल्या १५ वर्षांपासून अशा प्रकारच्या सेवाभावी उपक्रमांचे आयोजन करण्यात येत आहे. शिक्षण क्षेत्रातही विद्यार्थ्यांना प्रोत्साहन देण्यासाठी पुरस्कार दिले जातात. शिक्षण आणि संस्कार हे दोन्ही जीवनात अत्यंत महत्त्वाचे आहेत. आमचे ७०० खाटांचे रुग्णालयही आहे, जिथे विनामूल्य बायपास शस्त्रक्रिया, अँजिओग्राफी तसेच विविध प्रकारच्या उपचारांची सुविधा उपलब्ध करून दिली जाते. या सेवांचा लाभ गरजू कोणतीही व्यक्ती घेऊ शकते. श्रीगुरूंनी आपल्या आशीर्वचनातून गुरुभक्ती, धर्म, संस्कार आणि शिक्षणाचे महत्त्व स्पष्ट केले तसेच समाजाच्या सर्वांगीण विकासासाठी युवा पिढीने सदाचार आणि सेवाभावाचा मार्ग स्वीकारावा, असे आवाहन केले.गुरु आपल्या जीवनातील अज्ञानाचा अंधकार दूर करून ज्ञानाचा प्रकाश प्रज्वलित करतात. त्यामुळे गुरूंना सर्वोच्च स्थान दिले जाते. आजच्या या प्रसंगी आपण गुरुवंदनेसह समाजातील गुणवंत विद्यार्थ्यांचा सन्मान करत आहोत, ही आपल्या समाजासाठी अभिमानाची बाब आहे. वीरशैव माहेश्वर मंडळाचा १५ वा स्थापना दिवस, गुरुपौर्णिमा महापर्व आणि विद्यार्थी गुणगौरव सोहळा—हे तीनही प्रसंग आपल्याला सेवा, संस्कार, शिक्षण आणि संघटनाची प्रेरणा देतात.

भारतीय संस्कृतीत गुरूंना सर्वोच्च स्थान आहे. गुरु केवळ ज्ञान देत नाहीत, तर जीवन जगण्याची योग्य दिशा दाखवतात. गुरूंच्या आशीर्वादाने व्यक्तीचे जीवन उज्ज्वल होते आणि समाजात सदाचार व मानवतेची मूल्ये अधिक दृढ होतात.
वीरशैव माहेश्वर मंडळ गेल्या १५ वर्षांपासून समाजात धार्मिक, शैक्षणिक आणि सामाजिक उपक्रमांच्या माध्यमातून उल्लेखनीय कार्य करत आहे. आगामी काळातही हा सेवायज्ञ अधिक विस्तारावा आणि युवा पिढीने त्यात सक्रियपणे सहभागी व्हावे, ही माझी मनःपूर्वक शुभेच्छा आहे. या प्रसंगी नानजीभाई ठक्कर (ठाणावाला) यांचा श्रीफळ, पुष्प आणि स्मृतिचिन्ह अर्पण करून सत्कार करण्यात आला. गुरुपौर्णिमेच्या पावन प्रसंगी हे संत विशेषत्वाने उपस्थित होते.