जळगाव । जळगाव जिल्ह्यातील १८ नगरपरिषद व नगरपंचायत निवडणुकांसाठी आज सकाळी मतदानास सुरुवात झाली. सुरुवातीच्या मंद प्रतिसादानंतर पुढील तासांत मतदारांनी चांगला उत्साह दाखवत मतदानाचा टक्का वाढताना दिसला. जिल्ह्यात सकाळी ११.३० वाजेपर्यंत १६.६० टक्के मतदान झाले.
सकाळच्या दोन तासात जिल्ह्यात केवळ ६ टक्के मतदान झाले होते. मात्र त्यांनतर मतदानाचा टक्का वाढलेला दिसून आला. जिल्ह्यातील अनेक मतदार केंद्रांवर सुरुवातीला मंद गती असलेले मतदान हळूहळू ओढ घेत असल्याचे प्रशासनाकडून सांगण्यात येत आहे. पुढील तासांत मतदानात आणखी वाढ होण्याची शक्यता आहे.
जिल्ह्यात कुठे किती टक्के मतदान?
जामनेर 15.58 टक्के, भुसावळ 16.57 टक्के, यावल 25.45 टक्के, फैजपूर 24.20 टक्के, पाचोरा 11.68 टक्के, वरणगाव 19.47 टक्के, अमळनेर 15.79टक्के, चाळीसगाव 17.03 टक्के, सावदा 13.01 टक्के, चोपडा 14.09 टक्के, रावेर 20.02 टक्के, भडगाव 8.98 टक्के, धरणगाव 18.77 टक्के, एरंडोल 21.82 टक्के, पारोळा 16.76 टक्के, नशिराबाद 15.05 टक्के, मुक्ताईनगर 14.97 टक्के, शेंदुर्णी 18.91 टक्के.
