जळगाव । नववर्षाचे स्वागत आणि सरत्या वर्षाचा निरोप घेण्यासाठी बरेचसे लोक नववर्षाच्या पूर्वसंध्येला घराबाहेर पडतात. तेव्हा संभाव्य गर्दी टाळण्यासाठी जळगाव पोलीसांतर्फे कडेकोट बंदोबस्त करण्यात येणार आहेत. ३१ डिसेंबरच्या पार्श्वभूमीवर जळगाव पोलीस अलर्ट मोडवर आहेत. शहरातील चौकाचौकात पोलीस कर्मचाऱ्यांसह अधिकारी तैनात केले जाणार आहेत.
३१ डिसेंबरच्या बंदोबस्तासाठी जळगाव पोलीस सज्ज आहेत. विविध पथकांच्या माध्यमातून कारवाई सुरु आहे. शहराच्या रस्त्यांवर पोलिसांच्या सर्व टीम असणार आहेत. ‘ड्रंक अँड ड्राइव्ह’ कारवाईसाठी पोलिसांचे विशेष पथक असणार आहे. अंमली पदार्थांच्या वापरावरदेखील पोलिसांची करडी नजर असणार आहे. नववर्षाचे उत्साहात स्वागत होत असताना कुठलाही अनुचित प्रकार घडणार नाही याची काळजी घेतली जाणार आहे.
नवनर्षाच्या बंदोबस्तासाठी पोलीस कर्मचाऱ्यांसह अधिकारी तैनात असणार आहेत. यावेळी येणाऱ्या जाणाऱ्या वाहनधारकांची ‘ब्रेथ अ‍ॅनालायझर’ने तपासणी केली जाणार असून वाहनधारक मद्यपान केलेला आढळल्यास त्याला १० ते ११ हजारांपर्यंत दंड करण्यासह त्याचे वाहन जप्त केले जाणार आहे. ‘थर्टी फर्स्ट’ला अनेक जण पार्टी करून वाहने सुसाट चालवितात. त्यादृष्टीने पोलिसांकडून एक दिवस अगोदर म्हणजे आज ३० डिसेंबर रोजी रात्रीही तपासणी होणार आहे.
