मुंबई । विधानसभा निवडणुकीमध्ये मोठा विजय मिळविल्यानांतर राज्यात पुन्हा महायुतीचे सरकार आले. महायुती सरकारच्या मुख्यमंत्री आणि दोन मुख्यमंत्र्यांचा शपथविधी सोहळा पार पडला. पण अद्याप महायुती सरकारचा मंत्रिमंडळ विस्तार झाला नाही. महायुतीमध्ये मंत्रिमंडळ विस्तारावराचा तिढा अद्याप सुटलेला नसून येत्या दोन दिवसात फडणवीस सरकारचा मंत्रिमंडळ विस्तार होणार असल्याची माहिती समोर आली आहे. यात शिवसेनेचे 10 ते 12 आमदार मंत्रिपदाची शपथ घेणार असल्याची माहिती आहे. शिंदे सरकारमधील गुलाबराव पाटील, उदय सामंत, दादा भुसे, शंभुराज देसाई, तानाजी सावंत, दीपक केसरकर या या मंत्र्यांचा समावेश असणार आहे. तर भरत गोगावले यांचा शिंदेंच्या मंत्रिमंडळामध्ये समावेश असणार असल्याची चर्चा वारंवार होत होती. मात्र मंत्रिमंडळाचा विस्तार न झाल्याने ते मंत्री होऊ शकले नाहीत. आता फडणवीस सरकारच्या मंत्रिमंडळात गोगावले यांचा समावेश असण्याची दाट शक्यता आहे.
दिल्लीतून शिक्कामोर्तब झालेल्या मंत्र्याची नावं
१) गुलाबराव पाटील
२) उदय सामंत
३) दादा भुसे
४) शंभूराजे देसाई
५) तानाजी सावंत
६) दीपक केसरकर
७) भरतशेठ गोगावले
८) संजय शिरसाट
९) प्रताप सरनाईक
१०) अर्जुन खोतकर
११) विजय शिवतारे
१२) प्रकाश सुर्वे
१३) आशिष जैस्वाल
छत्रपती संभाजीनगर जिल्ह्यात तीन नव्या नावांची मंत्रिपदासाठी चर्चा आहे. रमेश बोरणारे, प्रदीप जयस्वाल, आणि विलास भुमरे यांच्या नावाची चर्चा सुरू आहे. अतुल सावे, प्रशांत बंब, संजय शिरसाठ यांच्याबरोबरच इतर नावांची चर्चा आहे. जिल्ह्यात तीन नवीन चेहऱ्यांना मंत्रिपद मिळण्याची शक्यता आहे. रमेश बोरनारे, प्रदीप जैस्वाल आणि विलास भुमरे यांना मंत्रिपद मिळण्याची चर्चा आहे.
