धरणगाव । धरणगाव नगर परिषदेच्या निवडणुकीत शहर विकास आघाडीच्या माध्यमातून निवडून आलेल्या नगराध्यक्षा लिलाबाई सुरेश चौधरी तसेच त्यांच्या सोबत निवडून आलेल्या आठ नगरसेवकांनी पालकमंत्री गुलाबराव पाटील यांच्या निवासस्थानी सदिच्छा भेट घेतली. यावेळी पालकमंत्र्यांनी नवनिर्वाचित नगराध्यक्षा व नगरसेवकांचा शाल-श्रीफळ देऊन सन्मानपूर्वक सत्कार करत अभिनंदन केले. विशेष करत म्हणजे, नगर परिषदेवर शिवसेना-भाजप युतीचे स्पष्ट बहुमत असतानाही नगराध्यक्षपदाच्या निवडीनंतर कोणतीही राजकीय कटुता न ठेवता शहर हिताला २३ पैकी १५ नगरसेवक निवडून येत अग्रक्रम देत ही भेट झाली, पालिकेत शिवसेना-भाजपा युतीला स्पष्ट बहुमत मिळाले आहे.
नगराध्यक्षा नवनिर्वाचित लिलाबाई चौधरी यांचे पती सुरेश चौधरी उर्फ नाना व सुपुत्र निलेश चौधरी हे पूर्वी शिवसेनेत सक्रिय होते. सुरेश चौधरी हे पालकमंत्र्यांचे जुने मित्र असून दोघांमध्ये जिव्हाळ्याचे पारिवारिक संबंध आहेत. यापूर्वी निलेश चौधरी यांना शिवसेनेत नगराध्यक्षपदाची संधी पालकमंत्री गुलाबराव पाटील यांनीच दिली होती.
निवडणुकी दरम्यान सर्वच गटांनी आपापल्या विचारांनुसार काम केले. मात्र निकालानंतर विजय-पराभव नव्हे, तर शहराचा विकास महत्त्वाचा व शहराची एकजूट या भूमिकेवरून पालकमंत्री गुलाबराव पाटील यांनी सर्व नवनिर्वाचित लोकप्रतिनिधींनी एकत्र असले पाहिजे. शहराचा विकास व एकजूट महत्त्वाची असल्याचे यावेळी पालकमंत्री गुलाबराव पाटील यांनी याप्रसंगी सांगितले.
