किशोर कुमार यांना मान्यवरांनी केले महाराष्ट्र राज्य सर्वोत्कृष्ट संस्थान राज्यस्तरीय पुरस्काराने सन्मानित
मुंबई महाराष्ट्राच्या सांस्कृतिक क्षेत्रात आपला एक वेगळा ठसा उमटवणाऱ्या बालगंधर्व कला अकादमीने आणखी एक मोठी उपलब्धी मिळवली आहे. नुकत्याच मुंबईत आयोजित राज्यस्तरीय भव्य पुरस्कार सोहळ्यात या अकादमीला “महाराष्ट्रातील सर्वोत्कृष्ट अभिनय संस्था” हा मानाचा किताब प्रदान करण्यात आला. हा सन्मान संस्थेच्या कठोर परिश्रम, समर्पण, आणि कलाप्रती असलेल्या उत्कट भावनेचा पुरावा आहे.
यासोबतच अकादमीला “सर्वोत्कृष्ट आदर्श शैक्षणिक, सांस्कृतिक आणि सामाजिक संस्था” म्हणूनही गौरविण्यात आले आहे. या भव्य सोहळ्यात बालगंधर्व कला अकादमीचे माननीय संचालक श्री. किशोर कुमार यांना सन्मानित करण्यात आले. या पुरस्काराने अकादमीच्या प्रयत्नांना ओळख मिळवून दिली असून समाज आणि कलाप्रती असलेल्या त्यांच्या योगदानाला सलाम केला आहे.कला आणि संस्कृतीचा अद्वितीय मंच बालगंधर्व कला अकादमी हे नाव स्वतःत एक समृद्ध इतिहास सामावलेले आहे.
कला, संस्कृती, आणि शिक्षण यांचा सुरेख संगम म्हणजे ही अकादमी. श्री. किशोर कुमार यांच्या नेतृत्वाखाली ही संस्था सतत उत्कर्षाच्या दिशेने वाटचाल करत आहे. ही केवळ शैक्षणिक संस्था नाही, तर एक संस्कारकेंद्र आहे, जिथे प्रत्येक विद्यार्थ्याला आपल्या कलागुणांना पूर्णतेने विकसित करण्याची संधी दिली जाते. अभिनय, नृत्य, संगीत आणि अन्य सांस्कृतिक क्षेत्रांतील अद्वितीय प्रशिक्षण देणाऱ्या या अकादमीने विद्यार्थ्यांना फक्त कलात्मकच नव्हे, तर जीवनातील महत्त्वाचे मूल्य आणि संस्कार शिकवले आहेत.
