जळगाव । जळगाव शहरातील न्यू स्टेट बँक कॉलनी परिसरामधील एका भाड्याच्या घरात सुरू असलेल्या वेश्याव्यवसायाचा पोलिसांनी पर्दाफाश केला आहे.या कारवाईत पोलिसांनी एका दाम्पत्यासह तीन जणांना अटक केली आहे. तसेच एका पश्चिम बंगालच्या तरुणीची सुटका केली आहे. याप्रकरणी रामानंद नगर पोलीस ठाण्यात गुन्हा दाखल केला आहे.
रामानंद नगर पोलीस ठाण्याचे पोलीस निरीक्षक राजेंद्र गुंजाळ यांना जळगाव शहरातील न्यू स्टेट बँग कॉलनी परिसरात एका भाड्याच्या घरात देहविक्रीचा व्यवसाय सुरू असल्याची गुप्त माहिती मिळाली होती. या माहितीच्या आधारे त्यांनी पोलीस उपनिरीक्षक सचिन रणशेवरे यांच्या नेतृत्वाखाली एक पथक तयार केले. या पथकाने एक बनावट (डमी) ग्राहक पाठवून वेश्या व्यवसाय सुरू असल्याची खात्री केली.
डमी ग्राहकाने घरात देहविक्रीचा व्यवसाय सुरू असल्याची खात्री केल्यावर पोलिसांना मिस कॉल देऊन इशारा केला. त्यानंतर, पोलिसांनी तत्काळ त्या दोन मजली घरावर छापा टाकला. या छाप्यात घरमालक दिनेश संजय चौधरी आणि त्याची पत्नी भारती चौधरी यांना ताब्यात घेण्यात आले. त्यांच्यासह आणखी तीन तरुणांना पोलिसांनी अटक केली आहे.
