मुंबई । सोने आणि चांदीच्या भावात चढ उताराचे सत्र कायम असून या आठवड्याच्या सुरुवातीला दोन्ही धातूंमध्ये मोठी घसरण झाल्याने ग्राहकांना दिलासा मिळाला. मात्र आज म्हणजेच २८ नोव्हेंबर रोजी सोन्याच्या भावात वाढ झाल्याचं दिसून आलं आहे.
मनी कंट्रोलच्या वेबसाईटनुसार, गुरुवारी 28 नोव्हेंबर रोजी 10 ग्रॅम सोनं महागलंय. दोन दिवस सोन्याच्या दरात घसरण झाल्यानंतर गुरुवारी सोन्याच्या दरात वाढ झाल्याचं पाहायला मिळतंय. बुधवारच्या तुलनेत गुरुवारी सोन्याच्या दरात 300 रुपयांनी वाढ झालीये. 22 कॅरेट सोन्याचा भाव 71,200 रुपयांपर्यंत आहे. तर दुसरीकडे 24 कॅरेट सोन्याचा भाव 77,600 रुपये आहे.
दुसरीकडे एक किलो चांदीची किंमत फक्त 89,500 रुपये आहे. चांदीच्या आजच्या दिवशी कोणताही बदल झालेला नाही.सलग दोन दिवस घसरणीनंतर आज सोन्याच्या भावात वाढ झाल्याची माहिती आहे. गेल्या दोन दिवसांत सोन्याच्या दरात 1300 रुपयांनी घट झालीये. तज्ज्ञांट्या म्हणण्यानुसार, सोन्याचा व्यापार एका श्रेणीत होतो. किंचीत वाढ झाल्यावर त्यामध्ये घटही होते. 2025 मध्ये सोन्याच्या किमती चांगला परतावा देतील असं तज्ज्ञांचं मत आहे.
