मुंबई । नवीन वर्ष 2025 च्या पहिल्याच दिवशी देशातील नागरिकांना एक महत्त्वपूर्ण दिलासा मिळाला आहे. सरकारी तेल कंपन्यांनी एलपीजी सिलिंडरच्या किंमतीत कपात करण्याचा निर्णय घेतला आहे, ज्यामुळे विशेषत: व्यावसायिक वापरकर्त्यांना फायदा होणार आहे.
आज, 1 जानेवारी 2025 रोजी, IOCL च्या वेबसाइटवर अपडेट केलेल्या माहितीनुसार, व्यावसायिक एलपीजी सिलिंडरच्या किंमतीमध्ये 14.50 रुपयांची घट करण्यात आली आहे. ही कपात दिल्ली, मुंबई आणि देशभरातील अनेक शहरांमध्ये लागू झाली आहे. मात्र घरगुती गॅस सिलिंडरच्या दरात कोणताही बदल झालेला नाहीय. मागील आठ महिन्यापासून घरगुती गॅसचे दर जैसे थे आहेत
दिल्लीतील 19 किलो एलपीजी सिलिंडरची किंमत आता कमी झाली असली तरी, ही कपात मुख्यतः व्यावसायिक सिलिंडरवर लागू झाली आहे. यामुळे रेस्टोरंट, हॉटेल्स आणि इतर व्यावसायिक संस्थांना आर्थिक दृष्ट्या फायदा होणार आहे.
ग्राहकांना दिलासा
नवीन वर्षाच्या पहिल्याच दिवशी ही कपात करण्यामुळे ग्राहकांना आर्थिक दृष्ट्या दिलासा मिळाला आहे. व्यावसायिक सिलिंडरच्या किंमतीमध्ये ही घट देशभरातील अनेक शहरांमध्ये समान आहे, ज्यामुळे सर्व ग्राहकांना समान फायदा होत आहे.
