निवडणूक आयोगाकडून इच्छुक उमेदवाराला आनंदाचा धक्का ; खर्च मर्यादेत केली दीड पट वाढ

मुंबई । महाराष्ट्रातील स्थानिक स्वराज्य संस्थांच्या निवडणुकीचे पडघम वाजले असून कोणत्याही क्षणी राज्यातील निवडणुकीची घोषणा केली जाऊ शकते. पण त्याआधीच राज्य निवडणूक आयोगाकडून इच्छुक उमेदवाराला आनंदाचा धक्का दिला आहे. तो म्हणजेच निवडणुकांसाठी राज्य निवडणूक आयोगाने उमेदवारांच्या खर्च मर्यादित वाढ करण्याचा निर्णय घेतला आहे. यावेळी आयोगाने प्रचार खर्च मर्यादेत तब्बल दीड पट वाढ केली आहे. महापालिका व नगरपरिषद निवडणुकांसाठी उमेदवारांना आता अधिक खर्च करण्याची मुभा मिळाली असून या निर्णयामुळे प्रचाराला गती मिळणार आहे.

गेल्या काही वर्षातील वाढलेली महागाई, मतदारांची संख्या, विविध खर्च पाहून आयोगाकडून उमेदवाराच्या खर्चात वाढ केली आहे. या आधी जिल्हा परिषदांसाठी सहा लाख आणि महापालिका निवडणुकांसाठी दहा लाखांची मर्यादा होती, ती आता वाढवण्यात आली आहे. महापालिका निवडणुकीसाठी सदस्य संख्येच्या आधारावर खर्चमर्यादा ठरवली जायची, आता ती वर्गवारीनुसार ठरवली गेली आहे. साधारणपणे महापालिका निवडणुकीसाठी नगरसेवकांसाठी खर्चाची मर्यादा आठ लाख ते दहा लाख होती ती आता नऊ लाख ते पंधरा लाख करण्यात आली आहे.

कोणत्या शहरातील उमेदवार किती खर्च करणार?
मुंबई महापालिका, पुणे महापालिका नागपूर महापालिका – १५ लाख रुपये
पिंपरी चिंचवड नाशिक ठाणे महापालिका – १३ लाख रुपये
कल्याण डोंबिवली, छत्रपती संभाजी नगर, नवी मुंबई,वसई विरार – ११ लाख रुपये
ड वर्गातील 19 महापालिकांसाठी – ९ लाख रुपये

अ वर्ग नगर परिषद –
नगरसेवक -५ लाख रुपये
थेट नगराध्यक्ष- १५ लाख रुपये

ब वर्ग नगरपरिषद

नगरसेवक – साडेतीन लाख रुपये
नगराध्यक्ष – ११. २५ लाख रुपये

क वर्ग नगरपरिषद

नगरसेवक – २. ५०लाख रुपये
नगराध्यक्ष- ७. ५० लाख रुपये

नगरपंचायत

नगरसेवक-२. २५ लाख रुपये
नगराध्यक्ष- सहा लाख रुपये