जळगाव । जळगाव जिल्ह्यातून चोपडा मतदारसंघातून ठाकरे गटाचा उमेदवार बदलला आहे. राजू तडवी ऐवजी भाजपमधून आलेल्या प्रभाकर सोनवणे यांना संधी देण्यात आली आहे. प्रभाकर सोनवणे यांचा आज ठाकरे गटात पक्ष प्रवेश झाला आहे. त्यानंतर त्यांनाच उमेदवारी देण्यात आली आहे.
चोपडामधून महाविकास आघाडीचे उमेदवार म्हणून उद्धव ठाकरे गटाकडून राजू तडवी यांना उमेदवारी देण्यात आली होती. मात्र उमेदवारी अर्ज भरण्यासाठी शेवटचा एक दिवस बाकी असतानाच ही उमेदवारी आता प्रभाकर सोनवणे यांना देण्यात आल्याने राजकीय क्षेत्रात चर्चेचा विषय बनला आहे.
दरम्यान ठाकरे गटाकडून ऐनवेळी उमेदवार कोणत्या कारणामुळे बदलविण्यात आला हे चित्र अद्याप स्पष्ट झालेले नाही.
