मुंबई पोर्ट ट्रस्ट कर्मचारी सहकारी पतपेढीवर भगवा फडकला ; विजयी उमेदवारांनी घेतली उद्धव ठाकरे यांची भेट

मुंबई |  एका बाजूला मुंबई विद्युत पुरवठा आणि परिवहन उपक्रम अर्थात बेस्टच्या पतपेढी निवडणुकीत सुहास सामंत प्रणित शिवसेना (उबाठा) चा तसेच महाराष्ट्र नवनिर्माण सेनेच्या उमेदवारांचा दारुण पराभव झाला असतांनाच दुसरीकडे मुंबई पोर्ट ट्रस्ट कर्मचारी सहकारी पतपेढी सोसायटीच्या निवडणुकीत शिवसेनेच्या स्थानीय लोकाधिकार समितीच्या उमेदवारांचा दणदणीत विजय झाला.

हा विजय मिळाल्यानंतर स्थानीय लोकाधिकार समितीच्या विजयी उमेदवारांनी मातोश्री येथे जाऊन पक्षप्रमुख श्री. उद्धव ठाकरे ह्यांची भेट घेतली. उद्धव ठाकरेंनी सर्व उमेदवारांचे अभिनंदन करून पुढील वाटचालीसाठी सर्वांना शुभेच्छा दिल्या. यावेळी शिवसेना नेते खासदार संजय राऊत, स्थानीय लोकाधिकार समिती महासंघाचे अध्यक्ष शिवसेना नेते, खासदार अनिल देसाई, शिवसेना नेते खासदार अरविंद सावंत, शिवसेना नेते आमदार ॲड. अनिल परब, महासंघाचे सरचिटणीस प्रदीप मयेकर, मुंबई पोर्ट प्राधिकरण स्थानीय लोकाधिकार समितीचे अध्यक्ष मिलिंद घनकुटकर, कार्याध्यक्ष बबन शिरोडकर, सरचिटणीस सूर्यकांत शिंदे, सह सरचिटणीस राजेश दुबे, सुनील दळवी, खजिनदार अजित झाजम, सहकार्याध्यक्ष किशोर घाडी, अमोल म्हात्रे आदी पदाधिकारी तसेच विजयात मोलाचा वाटा उचललेले सेवानिवृत्त पदाधिकारी विजय सोमा सावंत, अनंत कडवेकर व इतर पदाधिकारी उपस्थित होते.

या निवडणुकीत स्थानिय लोकाधिकार समिती सहकार पॅनलचे विजयी उमेदवार सर्वसाधारण गटात संदीप चेरफळे,अनंत (अप्पा) भोसले, अजित झाजम, राकेश भाटकर, मनिष पाटील, संदीप गावडे, मिलिंद रावराणे, महिला राखीव गटात सुजाता दळवी, इतर मागासवर्गीय गटात प्रशांत वारेकर, अनुसूचित जाती/जमाती गटात राजेश जाधव, भटक्या विमुक्त जाती/जमाती विशेष मागास प्रवर्ग गटात नामदेव सरगर आदी मान्यवर उपस्थित होते.