नवी दिल्ली: देशातील आघाडीचे उद्योगपती आणि रिलायन्स ग्रुपचे अध्यक्ष अनिल अंबानी यांच्या सहा ठिकाणांवर आज शनिवारी केंद्रीय अन्वेषण ब्युरो (सीबीआय) ने छापे टाकले आहे १७,००० कोटी रुपयांच्या बँक फसवणुकीच्या चौकशीच्या संदर्भात हा छापा टाकण्यात आला आहे.
सीबीआयच्या पथकांनी मुंबईसह देशातील अनेक शहरांमध्ये एकाच वेळी हे छापे टाकले. तपास यंत्रणेने अनिल अंबानी आणि त्यांच्या कंपन्यांचे कागदपत्रे, बँक व्यवहार आणि निधीचा वापर तपासण्यास सुरुवात केली आहे.
या प्रकरणात एका कथित फसवणुकीचा समावेश आहे ज्यामुळे स्टेट बँकेला 2000 कोटी रुपयांचे नुकसान झाले. वृत्तसंस्था पीटीआयने सूत्रांचा हवाला देत म्हटले की अंबानी यांनी कागदपत्रे सादर करण्यासाठी 10 दिवसांची मुदत मागितली होती, पण तपासकर्त्यांना अद्याप खात्री पटलेली नाही. ईडीला येस बँकेने दिलेल्या कर्जांमध्ये अनियमितता असल्याची शक्यता आहे. आता या प्रकरणात, सीबीआय पथक कंपनीच्या अनेक ठिकाणी छापे टाकत आहे. ही शोध मोहीम आरकॉम आणि अनिल अंबानी यांच्याशी संबंधित आहे.
आता सीबीआय या घोटाळ्याच्या तळाशी जाण्यासाठी कंपनीचे कामकाज, बँकिंग व्यवहार आणि कर्ज वापराची सखोल चौकशी करत आहे. एजन्सीच्या या कारवाईमुळे व्यावसायिक जगात खळबळ उडाली आहे आणि लवकरच आणखी काही मोठे खुलासे होण्याची अपेक्षा आहे.
