जळगाव । जळगाव एमआयडीसी पोलिसांना मिळालेल्या गुप्त माहितीच्या आधारे नागपूर येथून चोरून आणलेल्या लसणाच्या गोण्या जप्त केल्याची कारवाई शहरातील सुप्रीम कॉलनी मध्ये घडली. त्याची बाजार मूल्य चार लाख 85 हजार रुपये आहेत याप्रकरणी मुख्य आरोपी हा मात्र फरार आहे.
प्राप्त माहितीनुसार एका बंद बेकरीमध्ये 97 लसणाच्या गोण्या आढळून आल्या. त्याची बाजारभाव किमत रुपये 4 लाख 85 हजार आहे. बेकरी मालक ईश्वर प्रकाश राठोड यांना याबाबत विचारणा करण्यात आल्यानंतर त्यांनी माहिती दिली की,” त्यांचा चुलत भाऊ नामे विनोद गणेश रुढे (राहणार सुप्रीम कॉलनी) याने सदरचा माल कुठून तरी विकत आणला आहे.
परंतु माल खरेदी बाबत कोणतीही बिले त्यांच्याकडे दिलेली नाही. फक्त लसूण साठवण्यासाठी बेकरीत ठेवला आहे. त्यामुळे सदरचा मालाची बिले नसल्याने मालाबाबत मालकीबाबत संशय आल्याने एमआयडीसी पोलीसांनी सदर माल जप्त केला. विनोद रुढे यावर मुंबई पोलीस कायदा कलम १२४ अन्वये गुन्हा दाखल करण्यात आलेला आहे.
सदर माला बाबत अधिक तपास करता श्याम रमेश मनवाणी (राहणार, नागपूर) यांनी हा लसूण नागपूर येथून बुखारो-रांची या ठिकाणी पोचवण्यासाठी महिंद्रा टेम्पो चालक आरोपी विनोद रुढे यांच्याकडे ताब्यात दिला होता.परंतु विनोदने सदर मालाची पोहोच न करता, स्वतःचा आर्थिक फायद्या करिता अपहार करून लसूण नेला.
