मुंबई । महाराष्ट्रातील विधानसभा निवडणुकीत महायुतीने बहुमताचा आकडा पार केला असून नवीन सरकारच्या सत्ता स्थापनेकडे राज्याचं लक्ष लागलेलं आहे. मात्र मुख्यमंत्री पदाची माळ कोणाच्या गळयात पडेल याबाबत महायुतीमध्ये रस्सीखेस सुरु आहे. यातच महाराष्ट्राच्या 14 व्या विधानसभेचा कार्यकाळ काल संपला असून एकनाथ शिंदे यांनी मुख्यमंत्रिपदाचा राजीनामा दिला आहे.
असं असताना एकनाथ शिंदे हे मुख्यटमंत्रिपदावर दावा करत आहे. अशातच भाजपकडून एकनाथ शिंदे यांना दोन ऑफर दिल्याचं कळतं आहे. मुख्यमंत्रिपदी देवेंद्र फडणवीस हेच असावेत यासाठी भाजप आग्रही आहेत. तसं भाजपने एकनाथ शिंदे यांना कळवल्याची माहिती आहे. शिवाय त्यांना उमुख्यमंत्रिपदाची किंवा केंद्रातील मंत्रिपदाची ऑफर दिल्याचीही माहिती आहे.
मुख्यमंत्रिपदाच्या बदल्यात शिंदेंना दोन ऑफर?
मुख्यमंत्रिपदावर दाबा करणाऱ्या एकनाथ शिंदे यांना भाजपने दोन मोठ्या ऑफर दिल्याची माहिती सूत्रांनी दिली आहे. राज्याचं उमुख्यमंत्रिपदाची किंवा मग केंद्रात मंत्रिपदाची ऑफर दिल्याचीही माहिती आहे. मात्र त्या ऑफरवर एकनाथ शिंदे हे नाराज आहेत. त्यांनी पुन्हा एकदा मुख्यमंत्रिपदावर दावा केला आहे. काल दोन- तीन कार्यक्रमांना एकनाथ शिंदे हजर होते. पण त्यांनी नेहमी प्रमाणे माध्यमांना प्रतिक्रिया दिली नाही. तर दुसरीकडे राष्ट्रवादी अजित पवार गटाने देखील देवेंद्र फडणवीस यांच्या नावाला पसंती दिली आहे. अजित पवार गटाने समर्थनाचं पत्रदेखील दिलं आहे.
